အမေရိကန်ပြည်ထောင်စု နယူးယောက်မြို့ကတော့ နွေဦးတော်လှန်ရေးကို ထောက်ခံတဲ့ လှုပ်ရှားမှုတွေ၊ ရန်ပုံငွေ ရှာဖွေပွဲတွေနဲ့ နိုင်ငံတကာအသိုင်းအဝိုင်းကို အသိပေးတဲ့ လှုပ်ရှားမှုတွေကို ဆက်တိုက်ကျင်းပနေတဲ့ အရေးပါတဲ့နေရာ ဖြစ်လာပါတယ်။
မတရားဖမ်းဆီးထိမ်းသိမ်းခံထားရတဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် လွတ်မြောက်ရေးနဲ့ သက်ရှိ ထင်ရှားရှိနေတယ်ဆိုတာ သက်သေပြဖို့ မြန်မာစစ်ခေါင်းဆောင်တွေကို ကုလသမဂ္ဂကမှာ ဖိအားပေးပြောဆိုတာတွေရှိနေတယ်လို့ ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်းက မြန်မာဂလိုဘယ်လ် မီဒီယာ (MGM) ကို ပြောကြားခဲ့ပါတယ်။