ကုလသမဂ္ဂ ရဲ့ မြန်မာနိုင်ငံဆိုင်ရာ လူ့အခွင့်အရေးအထူးကိုယ်စားလှယ် ကယ်လီ ကာရီရဲ့ ဝေဖန်ချက်တွေကို တရုတ်က ပယ်ချခဲ့ပေမဲ့၊ မြန်မာနိုင်ငံမှာ ပဋိပက္ခ တွေ ဆက်ဖြစ်အောင် အဓိကပံ့ပိုးနေသူဟာ တရုတ်ပဲ ဖြစ်တယ်ဆိုတဲ့ သူ့သုံးသပ်ချက်ကို ကာရီက ဆက်လက်ရပ်တည်ပြီး အဲဒီလို မဟုတ်ကြောင်း အထောက်အထားပြဖို့ တရုတ်အရာရှိတွေကို စိန်ခေါ်လိုက်ပါတယ်။
နိုင်ငံတကာရဲ့ တရားဝင်အသိအမှတ်ပြုချက်ရဖို့ မြန်မာစစ်အုပ်စုက ကြိုးစားနေချိန်မှာ အမေရိကန်နဲ့ မြန်မာအကြား ပြန်လည်ထိတွေ့ဆက်ဆံတာကို ကြိုဆိုကြောင်း ထိုင်းဒုတိယဝန်ကြီးချုပ်နဲ့ နိုင်ငံခြားရေးဝန်ကြီး စီဟာဆက် ဖွန်းကဲ့ရှိုင်း (Sihasak Phuangketkeow) က ပြောကြားလိုက်ပါတယ်။
ဗြိတိန်ဘုရင် ချားလ်စ် (King Charles III) ပေးပို့တဲ့ လက်ဆောင်တွေကို မိခင်ဖြစ်သူ ဒေါ်အောင်ဆန်းစုကြည် လက်ခံရရှိနေတဲ့ ရှားရှားပါးပါး ဓာတ်ပုံတွေကို စစ်အုပ်စုက အသုံးချပြီး အခြေအနေတွေ ပုံမှန်ဖြစ်နေသယောင်၊ နိုင်ငံတကာရဲ့ အသိအမှတ်ပြုမှု ရရှိနေသယောင် ဖန်တီးတာမျိုး မဖြစ်သင့်ဘူးလို့ သားဖြစ်သူ ကင်မ်အဲရစ် (Kim Aris) က သတိပေးပြောဆိုလိုက်ပါတယ်။
တရုတ်နိုင်ငံမှာ ရက်ပေါင်း ၁၀၀ ကျော် ဖမ်းဆီးထိန်းသိမ်းခံထားရတဲ့ အမေရိကန်နိုင်ငံသား မြန်မာသုတေသီကိုမင်းဇင်အား အမြန်ဆုံး ပြန်လည်လွတ်မြောက်ရေး သမ္မတ ဒေါ်နယ်ထရမ့်က တရုတ်သမ္မတ ရှီကျင့်ဖျင်နဲ့ တွေ့ဆုံချိန်မှာ ထည့်သွင်းဆွေးနွေးပေးဖို့ ဇနီးဖြစ်သူ ဆယ်လ်ဗီယာဇင်က တောင်းဆိုလိုက်ပါတယ်။
အမေရိကန်နိုင်ငံသား မြန်မာ့အရေးသုတေသီ ဦးမင်းဇင်ကို တရုတ်နိုင်ငံမှာ “မတရားဖမ်းဆီးထိန်းသိမ်းခံထားရသူ” အဖြစ် နိုင်ငံခြားရေးဝန်ကြီး မာကို ရူဘီယိုက သတ်မှတ်လိုက်ကြောင်း အမေရိကန် နိုင်ငံခြားရေးဌာနက ကြာသပတေးနေ့မှာ ပြောကြားခဲ့ပါတယ်။