မြန်မာ့ဒီမိုကရေစီခေါင်းဆောင်၊ နိုဘယ်ငြိမ်းချမ်းရေးဆုရှင် ဒေါ်အောင်ဆန်းစုကြည်နဲ့ သားဖြစ်သူ ကင်မ်အဲရစ်တို့ကို ငါးနှစ်ကျော်အကြာမှာ ပထမဆုံးအကြိမ် ဖုန်းပြောခွင့်ပေးလာတာဟာ စစ်အုပ်စု ဘက်က အကြပ်အတည်းတွေ ပိုရင်ဆိုင်လာရချိန် တဖက်မှာလည်း နိုင်ငံတကာဖိအားတွေ တိုးလာတာကြောင့် ဖြစ်နိုင်တယ်လို့ ဒေါ်အောင်ဆန်းစုကြည်နဲ့ နီးစပ်သူ ဦးကျော်ဌေးဦးက သုံးသပ်ပါတယ်။
စစ်အာဏာသိမ်းပြီးကတည်းက ဖမ်းဆီးထိန်းသိမ်းခံထားရတဲ့ မြန်မာ့ဒီမိုကရေစီခေါင်းဆောင်၊ နိုဘယ်ငြိမ်းချမ်းရေးဆုရှင် ဒေါ်အောင်ဆန်းစုကြည်နဲ့ သားဖြစ်သူ ကိုထိန်လင်း (ခေါ်) ကင်မ်အဲရစ် (Kim Aris) တို့ ငါးနှစ်ကျော်အကြာမှာ ပထမဆုံးအကြိမ် ပြန်လည်စကားပြောခွင့်ရခဲ့ပါတယ်။
ပြီးခဲ့တဲ့ ငါးနှစ်နီးပါးအတွင်း ဖမ်းဆီးထိန်းသိမ်းခံထားရတဲ့ မိခင်ဖြစ်သူ မြန်မာ့ဒီမိုကရေစီခေါင်းဆောင်၊ နိုဘယ်ငြိမ်းချမ်းရေးဆုရှင် ဒေါ်အောင်ဆန်းစုကြည် ဘယ်နေရာမှာ ရှိနေတယ်၊ ဘယ်လိုနေနေရတယ်ဆိုတာ မသိရတဲ့ စိတ်ပူပန်သောကတွေနဲ့ နေထိုင်ခဲ့ရကြောင်း သားဖြစ်သူ ကင်မ်အဲရစ် (Kim Aris) က ပြောပါတယ်။
ဗြိတိန်ဘုရင် ချားလ်စ် (King Charles III) ပေးပို့တဲ့ လက်ဆောင်တွေကို မိခင်ဖြစ်သူ ဒေါ်အောင်ဆန်းစုကြည် လက်ခံရရှိနေတဲ့ ရှားရှားပါးပါး ဓာတ်ပုံတွေကို စစ်အုပ်စုက အသုံးချပြီး အခြေအနေတွေ ပုံမှန်ဖြစ်နေသယောင်၊ နိုင်ငံတကာရဲ့ အသိအမှတ်ပြုမှု ရရှိနေသယောင် ဖန်တီးတာမျိုး မဖြစ်သင့်ဘူးလို့ သားဖြစ်သူ ကင်မ်အဲရစ် (Kim Aris) က သတိပေးပြောဆိုလိုက်ပါတယ်။
စက်တင်ဘာ ၂၂ ရက်နေ့ ရက်စွဲနဲ့ ရေးသားထားတဲ့ အဆိုပါစာမှာ အသက် ၈၁ နှစ်အရွယ် မိခင်ဖြစ်သူနဲ့ မိသားစုဝင်တွေအကြား တိုက်ရိုက်အဆက်အသွယ် မရရှိသေးတဲ့အပြင် ဘယ်နေရာမှာ ထိန်းသိမ်းထားသလဲဆိုတာကိုလည်း မသိရှိရတဲ့အတွက် စိုးရိမ်ပူပန်ကြောင်း ကင်မ်အဲရစ်က သူ့ရဲ့စာမှာ ဖော်ပြထားတာပါ။