အားလုံး သိထားတဲ့အတိုင်းပဲ သူတို့ (စစ်တပ်) ကတော့အတုအယောင်တွေနဲ့ နိုင်ငံတကာကို လှည့်စားနေတယ်။ ဒေါ်အောင်ဆန်းစုကြည်ဟာ သက်ရှိထင်ရှားရှိမယ်၊ ကျန်းကျန်းမာမာရှိမယ်ဆိုရင် နိုင်ငံတကာခေါင်းဆောင်တွေ၊ ကုလသမဂ္ဂအထူးကိုယ်စားလှယ်နဲ့ တွေ့ဆုံခွင့်ပေးရမှာဖြစ်ပါတယ်။
“ဒီကမ်ပိန်းကို လုပ်ရတဲ့အကြောင်းအရင်းက ကျနော်တို့တိုင်းပြည်မှာ ကျနော်တို့ နိုင်ငံ့ခေါင်းဆောင် အကျဥ်းကျခံနေရတယ်။ သူနဲ့အတူ နိုင်ငံရေးအကျဥ်းသားတွေဟာလည်း ထောင်ထဲတွေမှာ ကနေ့အချိန်ထိ ငါးနှစ်ကျော်ကြာ အကျဥ်းကျခံနေရတဲ့အတွက် တောင်းဆိုလှုပ်ရှားကြတာဖြစ်တယ်။
မတရားဖမ်းဆီးထိမ်းသိမ်းခံထားရတဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် လွတ်မြောက်ရေးနဲ့ သက်ရှိ ထင်ရှားရှိနေတယ်ဆိုတာ သက်သေပြဖို့ မြန်မာစစ်ခေါင်းဆောင်တွေကို ကုလသမဂ္ဂကမှာ ဖိအားပေးပြောဆိုတာတွေရှိနေတယ်လို့ ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်းက မြန်မာဂလိုဘယ်လ် မီဒီယာ (MGM) ကို ပြောကြားခဲ့ပါတယ်။